THE PARROTS

Dende Madrid chega unha banda de rock garaxe gamberro e un pouco salvaxe, que xa leva uns anos facendo ruido na escea internacional, con EPs en selos como Bachelor (Austria) ou Luv Luv Luv (UK), colgando carteis de sold out en cidades como Londres ou Austin e actuando en festivais como Glastonbury ou o SXSW. Co seu primer disco publicado polo prestixioso selo inglés Heavenly Recordings, son sen dúbida unha das bandas estandarte da escea garaxeira española xunto cos seus inseparables Los Nastys ou as Hinds. Iggy Pop recomendounos no seu programa da BBC. Faille caso a Iggy e ven a ver a "Los Niños Sin Miedo" o 21 de Xullo á Feira Vella no Rock in Río Tea 2018.

TERBUTALINA

Terbutalina faiche bailar como se te duchases todos os días en augardente. Terbutalina é garage-punk festeiro disparado por cinco asmáticos da costa oeste amantes do tabaco, a praia e o matrimonio entre políticos imputados. Terbutalina, terceira confirmación para o Rock in Río Tea 2018.

Os de Esteiro son o grupo de garage galego máis en forma do momento. Contan con varios traballos discográficos. O seu penúltimo LP "A Muerte" resultou gañador do Premio a Mellor Álbum en Galego de 2014 nos Premios da Música Independente. En novembro de 2015 lanzan o seu último traballo "Al Otomano Se Le Va La Mano", masterizado por Jim Diamond (The White Stripes, The Sonics) en Ghetto Recorders (Detroit).

2017 foi un gran ano para eles, con concertos en salas e festivais de toda a península colgando o cartel de SOLD-OUT na maioría das salas. Mais co 2018 non parece que vaian quitar o pé do acelerador co que seguro que traerán sorpresas consigo a Ponteareas.

O 21 de xullo achégate a Ponteareas con ‘suelas novas’ porque imos suar sangre.

HER NAME WAS FIRE

Desde a outra beira do Miño, Her Name Was Fire son a cuarta confirmación do Rock In Río Tea 2018.

Her Name Was Fire é un dúo portugués formado en 2015 por dous amigos, que pertencendo a dous proxectos diferentes, decidiron xuntarse e experimentar co son dunha guitarra e unha batería. Desta unión nace un proxecto onde rock’n’roll, stoner, grunge e blues se dan a man.

O dúo lisboeta chega a Ponteareas co seu primeiro disco, ‘Road Antics’, unha colección de temas que van desde un stoner rock propio dos primeiros Queens of the Stone Age ata un blues rock que recorda tanto a The Black Keys como aos actuáis Royal Blood.

Unha guitarra, unha batería e moita distorsión son os únicos elementos necesarios para facer do 21 de xullo no Parque da Feira Vella unha cita indispensable.

ATOMIC LEMONS

De entre case 100 bandas, despois de superar ás 8 bandas da fase final, despois de gravar o seu nome no Hall of Fame do Concurso de Bandas do Rock in Rio Tea, dende Jaén para contaxiarnos toda a enerxía de Linares: Atomic Lemons!!!

Co seu traballo 'Drama Queen' producido por Pachi García como carta de presentación chegan á Feira Vella para facernos disfrutar do seu Rock n' Roll con influencia británica dos 60's e 70's e a sua enérxica posta en escena.

Con referentes coma 'The Beatles', 'Queen' ou 'Los Zigarros' e 'M-Clan', que pode salir mal?

Xa nos demostraron do que son capaces, preparádevos para velos entrar pola porta grande, espectáculo garantizado.

Tedes un novo motivo para non perdervos esta edición do ROCK IN RIO TEA!!

BASANTA

Os vigueses Basanta son a sexta confirmación para o Rock in Río Tea 2018.

Basanta está formado por 5 membros e moito misterio. Son Sol, Azufre, Sal, Tierra y La Santa, que ocultos baixo unhas máscaras, forman un universo lisérxico onde luz e escuridade encaixan a perfección.

No seu primeiro EP, "Maqueta nº1", atopamos desde reminiscencias aos Beatles máis “Revolver”, pasando polo fuzz dos setenta e chegando a ritmos frescos e de actualidade que fan da súa música unha paleta de cores pola que querer perderse.

Hoxe publican “Colorama” o seu esperado primeiro LP, grabado e producido no estudo de Paco Loco (Calamaro, Lori Meyers, Triángulo de Amor Bizarro…), no Puerto de Santa María.

O 21 de xullo imos formar parte da tribu que son Basanta e mergullarnos en psicodelia, rock e maxia.

STONED AT POMPEII

Stoned at Pompeii son a sétima confirmación para o Rock in Río Tea!!!

Este ano queremos facer o primeiro día do festival, o venres 20 de Xullo unha aposta pola música da nosa zona.

Os vigueses son unha das bandas de maior proxección internacional de Galicia (finalistas no Hard Rock Rising), pero tamén profetas na súa terra, conseguindo co seu gran traballo ANCROIDAL o premio "Maquetón Los 40 principales" ó mellor disco, ou o premio ó "LP Galego mais valorado". Confirmados para o cartel de este ano do Resurrection Fest, a banda está a xerar unha expectación pouco habitual, arrasando co crowdfunding do disco, ou en cada concerto que celebran.

Rock/Metal Alternativo con moito carácter, pero cheo de matices e influencias que poden ir dende Ghost ou Muse a Stone Temple Pilots ou Foo Fighters, sen olvidar influencias noventeiras coma Metallica ou incluso Pink Floyd. Serán o prato forte do Rock in Río Tea para a primeira xornada desta sexta edición que nos ten emocionados.

MET

MET oitava confirmación para o Rock in Río Tea 2018!!!

Pecharon a primeira edición do festival alá polo 2013 e dende entón seguiron andando o seu camiño, experimentando, buscándose, facéndose preguntas que se respondían en forma de cancións.

Creceron en paralelo ó festival, e chegou o momento de que ambos nos volvamos a encontrar. O que queda daquela banda de 2013 é ese "algo" que sen dúbida teñen, pero que ás veces custa tanto atopar. Mirándose en espellos como Izal ou Vetusta Morla ou apuntando un pouco máis lonxe a Coldplay ou Foo Fighters, a súa búsqueda sigue, e chegará o momento en que ese espello reflicte a súa propia imaxe. Non nos pode facer máis ilusión anunciar que a xornada do Venres 20 de Xullo teremos a MET na Feira Vella.

Eles son, un pedaciño do Rock in Río Tea.